"АНА - ТІРШІЛІКТІҢ ГҮЛІ" АТТЫ МЕРЕКЕЛІК КОНЦЕРТ

Бүгін 2018 жылдың 7 наурыз күні Әлкей Марғұлан атындағы № 40 орта мектебінің нәзік жанды аруларға, аяулы аналарымыз бен ардақты ұстаздарымызға арналған мерекелік концерт болып өтті. Мерекелік шара әрбір адамның жарық дүниедегі ең жақыны, жанашыры, қадірлісі, қамқоршысы анаға деген тақырыбындағы құттықтау композициясынан басталып, аталған тақырыптағы әндермен жалғасын тапты. Мектеп директоры Іргебай Ербол Ісләмұлы барша нәзік жанды аруларымызды, ардақты ұстаздарымызды 8 - наурыз Халықаралық әйелдер күні мерекесімен құттықтап, "Әділет" кәсіподақ ұйымының мақтау қағазын табыстады. Кеш бастауыш сынып оқушыларының орындауында "Королева красоты" әнімен жалғасын тауып, 9-11 сынып ер балалары мен мектеп жігіттерінен құралған топтың "16 қыз", "Ханшайым" "Анашым" әндерін хормен орындаудаудан аяқталды. Кеш соңында мектеп жігіттері тіршіліктің нұрын себетін барша аруларымызды құттықтап, қошемет білдірді.